Sérkennileg aðstaða fráskilina feðra...

Fráskilinn föður með þrjú börn, það er líklega einhver sú undarlegasta staða sem einstaklingur getur lent í hér á Íslandi.  Ef við rekum dæmigerðan feril er hann eitthvað á þessa leið:

1. Gengið frá skilnaði hjá Sýslumanninum í Reykjavík, allir starfsmenn kvennkyns.  Dómarinn sannfærir viðkomandi um að þessir pappírar sem liggja þarna á borðinu séu bara eftir bókinni og ef einhver er ósáttur þá sé það dómstólalanna að skera þar úr.  Lang flestir skrifa undir þessi plögg, og eru þar með búnir að afsala sér forræði yfir börnunum þó þeir hafi umgengisrétt og skildur (meðlagsgreiðslur).
2. Svo er komið að því að koma sér fyrir.  Allir almennilegir menn vilja auðvitað tryggja börnum sínum gott viðurværi og aðstöðu til að hafa þau sem mest hjá sér.  Semsagt, í þessu tilfelli kaupir viðkomandi íbúð með í það minnsta 3-4 svefnherbergjum.  Verðið, tja líklega 20-25 milljónir.  Afborgun ca. 100.000 þúsund.  Svo bætast við meðlög 48.000 og uppgefinn lifikostnaður ca. 150.000 þar sem viðkomandi þarf að sjálfsögðu að reka bíl ef hann ætlar á annað borð að hafa eitthvert samneyti við börnin sín.
3. Eftir skatta og önnur gjöld gerir þetta því samtals ca. 500.000 á mánuði og er þá ótalin þau gjöld sem falla til eins og 50% kostnaður við fatakaup, tannréttingar, íþróttir og annað.
4. Ef viðkomandi stendur ekki undir kostnaði er það fyrsta sem gerist líklega það að Innheimtustofnun Sveitarfélaga selur húsnæðið á uppoði.  Það er í meira lagi kaldhæðið... .
5. Í þeim tilfellum sem ég þekki til hefur niðurstaðan iðulega orðið sú að börnin verja tímanum ca. 1/3 hjá föður sínum.  Þar koma inn sumarfrí og jóla- og páskafrí auk annarra daga þar sem vel hentar foreldrunum að skipta.  Að auki er oft og iðulega að eitt barnanna endi með að búa að stærstum hluta hjá föðurnum þannig að hans kostnaður af daglegum þörfum barnanna er iðulega ekki í neinu sambandi við upphaflegt samkomulag um aðrahverja helgi.
6. Þetta er reynslusaga mín og annarra sem ég þekki vel til, við erum ekki búnir að gefast upp og ekki ennþá orðnir feður sem hafa gefist upp.  Búa í einstaklings leiguíbúð og hafa engin tækifæri til að sinna börnum sínum.
7. Það er svo eins og til að kóróna allt saman að barnabætur og vaxtabætur falla mæðrunum sjálfkrafa í hlut meðan faðirinn hefur ekki einu sinni leifi til að setja x í "börn á framfæri" í skattskýrslunni.
8. Þetta er sá veruleiki sem blasir við mörgum, og hefðarinnar vegna sækja fæstir rétt sinn til sameiginlegs forræðis og afnáms meðlagsgreiðslna.  Enda er það ljóst að hefðinn dæmir þann mann skíthæl og hann er sjálfkrafa kominn í slag við fyrrverandi eiginkonu í stað þess að reyna að vekja athygli á kerfinu sem er hans raunverulegi óvinur.
9. Svona er þetta bara og ég óska hér með eftir viðbrögðum frá stjórnmálaflokkum, hefur það einhver á stefnuskrá sinni að bæta aðstæður feðra sem veitt hafa börnum sínum sambærilegt atlæti og mæðurnar?
10. "Við konur erum svo stressaðar af því að við erum alltaf á hlaupum, keyra börnin á leikskólann, fara í búðina...", þetta þarf maður svo að hlusta á í útvarpinu þegar maður er að keyra börnin í skólann, versla, eða á leiðinni á skautaæfingu snemma á laugadagsmorgni.

Hver hagnast á krónunni?

Krónan hefur verið mér hugleikin eins og sjálfsagt mörgum þessa síðustu daga.  Sérstaklega kemur það mér á óvart að þegar stjórnmálamaður leggur til  að leggja hana niður skuli fylgi flokksins hríðfalla.  Þetta útspil Ingibjargar fékk mig í það minnsta til að endurskoða afstöðu mína til Samfylkingarinnar - sem hefur ekki verið hátt skrifuð hingað til.  Í mínum huga eru það bankarnir sem hagnast á krónunni, bæði íslenskir og erlendir.  Seðlabankinn hefur sáralítil áhrif á gengið - það sveiflast miklu frekar eftir útgáfu krónubréfa erlendra banka.  Hræðsluáróður stjórnarflokkana um atvinnuleysi og efnahagshörmungar getur ekki verið annað en hlægilegur í ljósi efnahagsástandsins undanfarin ár.  Ef krónan er það sem við þurfum til að hafa stjórn á hagsveiflum - hver ber þá ábyrgð á því að við þurfum að búa við 7-8% verðbólgu 15% stýrivexti og krónu sem sveiflast um ca. 5% upp eða niður í hverri einustu viku? Í öllu falli er hægt að hengja gengið við Evruna og sjá hvað gerist, ef menn eru ósáttir þá er ekkert því til fyrirstöðu að fleyta krónunni aftur.   

Bandarískar teppalagnir í Sómalíu

Ég ákvað að byrja að blogga til að koma frá mér vangaveltum sem annars myndu daga uppi í höfðinu á mér og trufla þar heilastarfsemina.  Í dag er ég semsagt búin að vera að velta fyrir mér Bandarískum teppalögnum.  Það byrjaði með því að ég las dagbók Berlínarkonu, hún var stödd í Berlín í lok seinna stríðs, og fékk að kynnast misjöfnum sauðum úr Rauða hernum.  En þar sem bókin er sannsöguleg sló það mig að hún var fegin því að það voru Rússar sem tóku borgina en ekki Bandaríkjamenn.  Ástæðan var sú að þeir (Bandaríkin) hefðu byrjað á því að "teppaleggja", eða með öðrum orðum að sprengja borgina aftur á miðaldir.  Og afhverju er ég að velta þessu fyrir mér núna?  Jú, það hefur nefnilega heyrst að kaninn sé farinn að teppaleggja þorp í suður Sómalíu, það virðist duga að grunur leiki á að það sé staddur "hryðjuverkamaður" í ákveðnu þorpi til þess að réttlæta að þurrka það af landakortinu... ég veit ekki, er það bara ég eða finnst fólki þetta almennt skrítið?

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.